【Emily】宣傳前列腺健康 曾鈺成拍片做阿爺
[2021.09.27] 發表
【明報專訊】前列腺健康值得男士關注，立法會前主席曾鈺成近日粉墨登場，喺香港前列腺基金、青研香港嘅宣傳片《爺孫搭錯腺》中，友情客串「爺爺」一角，民建聯莊展銘就扮演「乖孫」。劇情提及曾鈺成行為古怪，身體有痛症，精神不振，小便唔暢順，中晒前列腺嘅病徵喎，雖然最後發現只係誤會一場，但曾鈺成都笑言：「做個好男人，要識得保養自己㗎。」
短劇中，曾鈺成經常袋住一支藥膏，又飲多咗咖啡，半夜起身去廁所但冇冲廁，被乖孫質疑係咪前列腺出現問題；曾爺爺大叫「你搞錯晒啦，爺爺我前列腺冇問題」，解釋最近晚晚約朋友登山觀星，所以先有啲腰痠背痛。話說回來，曾鈺成話男士的確要關注前列腺健康，提醒莊展銘要保養身體。
香港前列腺基金創辦人及主席黃國田提醒，前列腺癌症有年輕化趨勢，鼓勵45歲以上男士定期做小便流速檢查、PSA前列腺癌抗原驗血測試，確保前列腺健康。
更多港聞
【明報專訊】政府近期落力谷長者去打新冠病毒疫苗，建制派團體都幫手，工聯會鄧家彪今日（周一）就借用彩雲邨嘅社區會堂，安排承辦商到場幫邨內長者、...
詳情
高中改革釋課時 中學教認識國家 教局倡增OLE至總課時一成以上
【明報專訊】本學年起中四4個核心科目改革，釋放部分課時，教育局早前鼓勵學校讓學生讀多一個選修科目；或投放予「其他學習經歷」（OLE），建議O... 詳情
【明報專訊】識別有精神健康問題、有自殺風險的學生，師生和家長都有「守門人」角色。教育局教育心理學家李頴怡昨日在網上專欄「局中人語」撰文，稱高...
詳情
相關新聞
