【Emily】被鐵通插車長出院 城巴讚臨危不亂

[2025.09.19] 發表

【明報專訊】日前揸緊巴士時畀鐵通擊傷嘅羅姓城巴車長噚日出院，城巴facebook發布佢嘅錄音「報平安」。羅車長話身體已經冇乜大礙，淨係唔可以行得太快，仲話希望快啲出嚟見番每日搭佢車嘅朋友咁話。

今個星期一下晝5點幾，65歲嘅羅車長喺青朗公路駕駛967號線巴士去緊元朗方向，突然有一條長173厘米嘅鐵通飛埋嚟，插穿巴士擋風玻璃，擊中羅車長胸口，好彩只係擦損，佢清醒由救護車送去屯門醫院治理。

當時巴士有好多乘客，有人事發後話羅車長忍痛無急煞車，而係慢慢將巴士停低，無釀成大意外。城巴亦話羅車長喺危急關頭展現敬業精神，將巴士安全停車，確保所有乘客安全，公司深表敬佩。羅車長噚日喺錄音裏面亦多謝太太同城巴同事，仲話：「好多謝大眾市民對我嘅關心，我都無咩事，你哋放心啦！」

更多港聞

【明報專訊】立法會已應用智慧謄錄系統「智識聽」，喺會議期間提供實時字幕，而特首李家超噚日去立法會出席答問會時都有用到，立法會主席梁君彥話系統... 詳情

【明報專訊】新一份《施政報告》擬修訂《教育條例》，引入執業證書以「完善」教師註冊制度。據了解，執業證書將設有效期，需要續牌，領證及續證方式有... 詳情

【明報專訊】明年9月升讀官津學校小一的自行分配學位收生階段昨日展開，家長可透過電子平台遞表，任選全港一間參加派位的官津小學。資助小學校長會副... 詳情

【明報專訊】浸會大學撤銷普通話畢業要求。校方2007年起要求本科生畢業前普通話能力須達標，這項規定多年來在校內備受爭議，2018年初有學生「... 詳情

【明報專訊】10號風球過後的一天，無礙讀者造訪書展，「蔡瀾天地」專題活動同樣座無虛席。講座開始前，主持人李偉民提醒：「這次活動不要像... 詳情