李家鼎嬲爆反擊：莫須有 被指偷拜神雞道具雀籠
[2015.08.29] 發表
【明報專訊】李家鼎日前被指狂數無綫製作及演員後，有報道說有工作人員爆他經常在開鏡時拿走拜神雞、燒肉及生果，就連拍戲的道具雀籠都據為己有。
「攞多嚿燒肉叫撻咩？」
鼎爺對此極之氣憤，昨日拍片放上兒子李泳豪的facebook親自澄清。他初時語氣平靜說：「首先多謝圈內外朋友平反我呢件事同撐我，我想講一句，岳飛畀秦檜害嘅時候，三個字：莫須有。估唔到今時今日，呢三個字用喺我身上。話我專撻拜神雞，現場咁多人我點撻呢？我只係攞嚿燒肉食，有時多咗攞多嚿，咁叫撻咩？有時一個演員都未必食到一嚿，得一隻豬、兩隻雞有幾多呀？」
「雀籠有晒編號點攞？」
說到雀籠，鼎爺說：「我玩雀全世界都知，我啲雀籠無一萬都七、八千，塊布都請人度尺寸做。話我道具雀籠都唔放過？我想問一句，公司雀籠有晒編號，仲咁大個我點攞出嚟？要誹謗我唔緊要，但要攞多啲證據，清清楚楚。」他愈說愈扯火，最後說：「上天下地中間良心，我無做過對人唔住嘅事。」
元秋：鼎爺火爆但無鬧過我
元秋昨午出席《城寨英雄》拜神時，與林子善拿拜神雞事件開玩笑，秋姐事後說其實不清楚事件。她與鼎爺曾在邵氏時代合作過，她反問：「是不是事實？我不知。難得我想食雞，子善剛才叫我不要攞隻雞。」她認識的鼎爺為人火爆：「他以前做武指，三句兩句就小呀大呀咁，但無鬧過我。」
記者：鍾一虹
攝影：孫華中
更多影視
「栢芝真心祝福鋒菲戀」 經理人斥禁娶報道作故事
【明報專訊】張栢芝經理人Emily昨午在微博就有周刊報道指栢芝答應謝霆鋒讓兒子留港的條件，是要霆鋒3年內不能結婚，封面標題是「栢芝……禁娶王... 詳情
鬧金鐘獎「污辱整個綜藝圈」 吳宗憲發火要求評審道歉
【明報專訊】台灣日前宣布金鐘獎入圍名單，評審主席藍祖蔚狠批綜藝節目「品質低落、創意不足、娛樂不夠、知識沒有」四宗罪，導致今年的綜藝獎幾乎從缺... 詳情
相關新聞
