【明報專訊】特首梁振英(CY)日前建議喺中環一帶設立泳棚同釣魚區，畀上班一族喺午飯時間游水、釣魚，被網民揶揄「離地」之餘，更引起國際關注。英國廣播公司(BBC)噚日報道呢件事，形容CY嘅建議「遇到一啲人嘲弄」，又引述本地報章，話維港水質污濁，內有大腸桿菌同沙門氏菌，救生員又強調午飯後不宜游水，CY嘅建議睇嚟得唔到市民支持喇。 田二少測試話「趕得切」 BBC報道引述釣魚用具店主，話中午時分天熱嘈吵，啲魚係唔會上釣嘅，「當你只得45分鐘，喺開始(釣魚)之前你就要準備收拾用具」。 不過，新民黨田北辰(田二少)噚日喺facebook親身示範，話發現游完水再食晏係「趕得切」。但網民對田二少呢個「實驗」唔多受落，有人留言叫佢去中環跳海示範，亦有網民話田二少作為老闆，「無人管食飯食幾耐都得啦」，二少晚上就再出post，話跳海嘅建議「有得諗」，仲請網民幫手游說CY傍住佢跳海游水。
|
| |
| |
;){kind=small}
