黃大仙祠年三十晚開通宵
[2017.01.26] 發表
【明報專訊】每逢過年都有大批善信去黃大仙祠爭上頭炷香，今年黃大仙祠有新安排，將會喺年三十晚通宵開放，更會首次喺年三十晚開放拜月老及佳偶天成神像平台，信眾除咗上頭炷香，仲可以向月老祈求美好姻緣。
黃大仙祠喺年三十晚，開放時間係上晝7點至下晝5點，晚上9點至翌日下午6點半；而今年嘅公眾香爐將會移近大殿6呎，市民就可以近距離參拜。同時，正月期間所有屬雞、兔、鼠、狗嘅市民，都可以免費到黃大仙祠內嘅太歲元神殿參拜。
增3部「電子籤文機」
管理黃大仙祠嘅嗇色園話，今年會新增3部「電子籤文機」畀公眾使用，屆時將已安裝無線射頻標籤嘅籤，觸碰電子感應器，籤文機就會顯示內容，仲會打印籤文出嚟。
更多港聞
【明報專訊】消費者委員會噚日公布由4000幾名市民投票選出嘅猴年十大消費新聞，最後以「牛頭角迷你倉四級火警 揭工廈商戶多違規經營」獲得38...
詳情
相關新聞
