中總倡大灣區免漫遊費
[2018.02.21] 發表
【明報專訊】《財政預算案》下周三發表，唔同團體都向財政司長陳茂波交建議，香港中華總商會日前亦都向政府提交咗意見書，部分建議要求政府制訂政策協助工商界參與「一帶一路」同「粵港澳大灣區」發展。現時好多港人返大陸都要用到漫遊服務，費用都幾襟計，中總就大膽建議，特區政府可以同廣東省政府合作，取消三地電話長途漫遊費用等安排。
倡「港人港稅」簡化通關
中總建議政府探討推動優惠政策與財政支援措施，例如研究在粵港澳大灣區推行「港人港稅」、建立兼容嘅電子應用支付平台、爭取放寬私家車跨境牌照限制同簡化通關手續、取消三地電話長途漫遊費用等安排，便利港人喺大灣區工作同生活。呢啲措施似乎都要向中央或者廣東省政府爭取，唔知政府又會唔會向有關部委爭取呢？
中總會長蔡冠深又話，隨住環球經濟邁向知識型同科技為本發展，本港企業都要加大相關領域嘅資源投放，希望政府可以為企業投資科研提供額外稅務扣減等措施。
更多港聞
相關新聞
