【Emily】提施政報告 羅致光由細個行路放學講起
[2019.08.29] 發表
【明報專訊】政府正就新一份《施政報告》諮詢公眾，諮詢facebook專頁近期陸續上載局長短片宣傳，噚日勞工及福利局長羅致光(CK)先分享個人趣事，再回應預設提問。CK原來唔止IQ高，自問做嘢仲好快手，佢話試過一個鐘內入咗2000個信封同貼咗2000個標籤；自己由細到大都鍾意行路，小學讀書時，放學間中會由大坑行路返堅尼地城屋企，都行得好快咁話。
講到快，唔少網民希望政府嘅惠民措施盡快落實。有網民問到政府幾時會將法定產假增至14周，CK話政府正努力做相關工作，佢話公務員延長產假唔需要修改法例，但修改法定假期就要修例，相關工作密鑼緊鼓做緊，希望今年底前將修例草案交畀立法會，預料修例通過後18個月，可以全面實施新產假安排。
有網民關注幫助市民就業嘅再培訓課程，CK話現時大部分參與課程嘅人都以中高齡人士為主，佢哋有一定教育程度，但仍想追上時代，學吓電腦，甚至人工智能等，相關課程會陸續推出，協助佢哋轉工或重新投入勞動市場。
更多港聞
【明報專訊】馬會噚日公布2018/19年度業績，投注總額高達2475億元，較上一年度上升5.8%；當中單係賽馬投注額就有1250億元，足球投...
詳情
【Emily】李嘉誠捐5億 科大建合成生物學研究院
【明報專訊】科技大學獲李嘉誠基金會捐贈5億元，建立本港第一個「合成生物科技」研究平台，命名為「李嘉誠合成生物學研究院」，希望透過研究合成生物... 詳情
【Emily】fb專頁講區選 頭像用學者王慧麟
【明報專訊】距離區議會選舉不足3個月，唔少考慮參選者陸續浮面，爭取街坊支持。近日facebook出現一個名為「大佛我飛佛」嘅專頁，頭像係港大... 詳情相關新聞
