【Emily】讚林鄭有計有謀又打得 林健鋒：叻過超人
[2020.11.27] 發表
【明報專訊】民主派總辭後，議會內再聽唔到佢哋嘅反對聲音，噚日特首林鄭月娥到立法會出席《施政報告》答問大會，就有唔少建制派議員提問時乘機大讚施政報告，當中不得不提經民聯林健鋒(圖)，佢唔單止話施政報告內容全面，有利香港發展，仲同林鄭月娥「真情告白」話：「特首，你真係仲叻過超人，有計有謀又打得，我哋好支持你，但你一個人做唔做得晒呢？噚日(25日)你講到差唔多兩個鐘頭時，喉嚨都沙埋，有好多市民(傳)短訊畀我，好關心你、好支持你，仲話好惜你」。
話林太聲都沙
市民傳短訊關心
林鄭出席電視論壇時被問，點解無喺報告中多謝香港人，佢當時答話「唔係常有一般市民喺我身邊」。經民聯石禮謙噚日提問時話，前晚同一班學生分享施政報告內容，佢轉述有學生認為，報告中嘅每一段都感謝香港市民，叫林太唔使擔心「淨係你班朋友、中央，以及3萬幾個警察(支持你)，香港700幾萬人都支持緊你」。林鄭回應話，「我從來唔以市民歡喜我、唔歡喜我作為施政宗旨，全部都係為落實一國兩制，以及為香港着想」。
更多港聞
【Emily】牙籤扮棋 區佬cosplay《后翼棄兵》主角
【明報專訊】Netflix劇集《后翼棄兵》（Queen's Gambit）近期大熱，觀塘區議員張敏峯喺facebook玩cosplay，著深... 詳情
【Emily】憂迫爆南區 袁嘉蔚：街坊畀「躍動」激到躍動
【明報專訊】特首林鄭月娥喺《施政報告》提出「躍動港島南」，唔少南區地區人士都有關注，南區區議會主席羅健熙日前已經話擔心「迫爆地區」，批評政府... 詳情
【明報專訊】本港新冠病毒疫情反覆，建制派多番建議做全民強制檢測，等香港個案有望「清零」。特首林鄭月娥前日就講明，全民強制檢測「是流於一個口號...
詳情
【明報專訊】新型冠狀病毒疫情確診個案數字高企，昨增81宗確診。家長及學校連日關心會否全面停課。教育局長楊潤雄稱，疫情發展近日有變化，需整個社...
詳情
相關新聞
