【Emily】馬道立Last Day 職員列隊鼓掌歡送
[2021.01.09] 發表
【明報專訊】終審法院首席法官馬道立即將卸任退休，噚日係佢最後一個上班日。佢喺傍晚離開工作逾10年嘅終審法院，司法機構政務長梁悅賢等喺門口列隊，夾道鼓掌歡送。馬道立先同眾人握手，又同眾人拍攝大合照，其間有職員舉起手機同馬官selfie。
馬道立之後踏出終院大樓，同門外等候嘅傳媒揮手道別。佢無發言，只講咗一句「再見」，就登上車牌為首席法官英文簡寫「CJ」嘅座駕離開。
2021年法律年度開啟典禮下星期一(11日)舉行，現任終院法官張舉能當日會接替馬道立，上任終審法院首席法官一職，係香港回歸以嚟第三任首席法官。
更多港聞
相關新聞
