【Emily】李慧琼體質敏感照打國藥 接種完都覺好瞓咗
[2021.02.05] 發表
【明報專訊】全國人大代表、政協委員日前集體上深圳打國藥疫苗，為3月到北京參加兩會做準備，政協常委唐英年就透露因自己體質「超級敏感」而冇參與。政協委員、民建聯主席李慧琼(Starry)噚日同傳媒見面，話原來佢嘅體質都係「比較敏感」，但就有打國藥疫苗，仲話「幾好㗎」。
話自己打針較易發燒
點樣敏感法？Starry話自己打流感針都會比較容易發燒，打完疫苗嗰日真係如全國人大常委譚耀宗所言「好瞓咗」，但佢就覺得係攰，因為當日打完針就要落區協助受到強制檢測影響嘅市民。佢仲話打完隻手有少少痹，但係普遍接種者都無反應，佢算係有少少反應。
被問到要上兩會係咪都應該要打疫苗，Starry話「唔好咁樣講」，因為每個人對自己身體狀况都有最實際嘅理解，自己要判斷。有記者追問唔打疫苗觀感會唔會唔太好？佢解釋，自己對疫苗有敏感，「唔會咁睇，我都唔係每年打流感針，因為正正係有呢個(體質)考慮」。
更多港聞
【Emily】區議員為街坊寫揮春 「真係無人 唔好爆門」大熱
【明報專訊】下周就係牛年，唔少區議員都會為街坊寫揮春應節，不過，近期最流行嘅揮春語句，唔係「出入平安」、「身體健康」呢啲傳統祝賀語，而係「唔... 詳情
【明報專訊】特首林鄭月娥噚日到立法會出席答問會，會議開咗超過一個半鐘頭，其間唔少議員都撳手機睇其他嘢。經民聯張華峰就喺WhatsApp同人傾...
詳情
【Emily】明起增設逾30個「寵物共享公園」
【明報專訊】唔少寵物主人都希望毛孩可以出街唞吓氣，康文署噚日宣布，聽日（周六）起多區會增設逾30個「寵物共享公園」，開放畀市民攜同寵物入內。... 詳情
【Emily】學者引大數據：貓咪幾時絕育？建議4個月大
【明報專訊】貓咪繁殖率高，一年可以生3次，每胎最多有6隻貓B，如果唔及時幫佢哋絕育，可能會令棄養情况惡化，導致流浪貓數量愈來愈多。城市大學臨... 詳情
【明報專訊】受疫情影響，東華三院噚日宣布，今年6所廟宇，包括上環列聖宮、山東街水月宮、慈雲山觀音佛堂、油麻地天后廟、油麻地社壇、油麻地福德祠...
詳情
相關新聞
