【Emily】藝術家以竹篾編織 長臂猿利東街「出沒」籲保育
[2021.10.19] 發表
【明報專訊】灣仔利東街近日出現唔同長臂猿裝置，其實係嘉道理農場暨植物園喺該處舉辦《離地森活》長臂猿保育展覽。由於每年10月24日係國際長臂猿日，呢個保育展覽會展出至24號，公眾可以透過參觀喺鬧市中搭建嘅熱帶雨林研究基地，進一步認識長臂猿，以及了解香港嘅保育團隊點樣協助拯救瀕臨滅絕嘅長臂猿。
而圖中嘅裝置，原來係大會將藝術、傳統文化同自然保育crossover，邀請咗本地藝術家耗時個幾月，編織咗一隻3米高嘅竹篾高黎貢長臂猿藝術裝置，希望利用呢種常見於本地節慶祭典嘅工藝，為國際長臂猿日增添幾分傳統藝術氣息，並歡迎大家參觀影相打卡。
更多港聞
【明報專訊】立法會教育事務委員會昨討論學齡人口下跌的應對，有議員關注小班教學政策。自由黨張宇人稱，不希望措施用來「保老師飯碗」，「就算做得不...
詳情
相關新聞
