【Emily】民記搞選委座談會 邀黨外候選人出席
[2021.11.25] 發表
【明報專訊】立法會選舉選舉委員會界別51人競爭40席，候選人四出拉票，民建聯係選舉委員會嘅「大戶」，手持超過150張選委票。民建聯副主席張國鈞噚日宣布，該黨選委下周一舉行座談會，邀請候選人出席介紹政綱，非黨員都可以參與，每人嘅發言時間均等。
民建聯6名選委會界別候選人噚日見記者，分享拜訪選委嘅情况。張國鈞話已約見選委團體20次，另外仲有30場等緊佢哋；另一候選人葛珮帆形容「真係愈見愈開心，愈見愈振奮」。早前選委會界別候選人、聖公會教省秘書長管浩鳴有同民建聯一齊見選委，張國鈞話今次選舉唔係「零和遊戲」，選委可以投票畀多名候選人，該黨唔介意同其他候選人一齊行動。
管浩鳴回覆Emily話，原則上會出席民建聯搞嘅交流會，話雖然「相信無人唔識我」，但亦應見吓選委向對方簡介理念。管牧話同其他政黨候選人一樣「講民生問題」，自由黨等政黨都有邀請佢一齊見選委。
另外，本報早前報道部分候選人無向公眾及傳媒提供聯絡資料等，包括眼科醫生林順潮。林醫生喺報道出街後，主動補加聯絡電話。
選委會51名候選人名單詳見立法會選舉網站。
更多港聞
【Emily】治療睡眠窒息症 孫公只求一覺熟睡
【明報專訊】現年77歲、人稱孫公嘅教育局前局長孫明揚（圖）近年身體唔多好，包括數年前曾感染肺炎等，佢噚日喺《am730》嘅專欄透露，近日受睡... 詳情
【Emily】區選兩周年 睹離職潮初選案 曾因打擊頹又肥 冼卓嵐重新振作
【明報專訊】噚日係區議會選舉兩周年，唔少當日參選者，噚日都喺facebook話當年。民主黨沙田區議員冼卓嵐（圖）發文，憶述當選後經歷連串風雨... 詳情
【Emily】鄭泳舜陳智思做gym 傾體育社福政策
【明報專訊】立法會選舉候選人紛紛搵知名人物拍片支持，參選九龍西直選嘅民建聯鄭泳舜就搵嚟行政會議召集人陳智思，兩人著住運動裝，片段一開始就係佢... 詳情
【Emily】有天氣光學現象靚相 天文台月曆今起發售
【明報專訊】又到年尾，《香港天文台月曆2022》今日（25日）開始發售，每冊賣26元。月曆展示嘅天氣同光學現象相片，大部分係由攝影愛好者透過... 詳情
相關新聞
