【Emily】前廳會 政助抄寫議員局長對話
[2022.08.18] 發表
【明報專訊】立法會噚日舉行第二次「前廳交流會」，政務司長陳國基帶領部分問責官員一齊出席同議員交流，Emily留意到各司局長嘅政治助理有任務在身，每人要負責一枱，抄低議員嘅意見。文化體育及旅遊局長楊潤雄喺facebook上載交流會嘅相，見到其政助招文亮嘅筆記簿寫得密密麻麻。招文亮同Emily講，將議員同局長嘅對話記錄低，係為咗整理好內容，之後跟進。
批如「開大會」
張欣宇促取消問答環節
噚日交流會安排，有議員覺得形式輕鬆，大家可以暢所欲言，不過有議員認為簡介同發問環節太長，其中香港新方向張欣宇(新界北)批評各人輪流發言猶如「開大會」，舉例副政務司長卓永興先開場簡介「衛生黑點問題」，然後議員舉手發問，其他議員同官員只能旁聽「齋坐」，佢希望日後能取消問答環節，容許議員直接分組同官員自由交流。
民建聯何俊賢(漁農界)話，理解政府想講重點政策，但認為唔係所有人都關注，引述有議員認為呢個場合係將件事「講實佢」，而唔係講啲已知嘅嘢。佢覺得可能要試多幾次睇吓點改善。
更多港聞
【Emily】劉秀成獲建築師學會金獎 學生何永賢到賀
【明報專訊】香港建築師學會噚日舉行2021年度「香港建築師學會金獎」頒獎禮，以表揚喺香港建築有持續、深遠及卓越貢獻嘅會員，而資深建築師、立法... 詳情
【明報專訊】政府最近展開全港清潔運動，銳意改善社區衛生問題，選委會界別立法會議員梁毓偉（Kenneth）對此亦相當關注。佢同Emily講，屋...
詳情
相關新聞
