【Emily】山頂纜車8．27重開 成人單程正價62蚊
[2022.08.19] 發表
【明報專訊】山頂纜車上年年中開始做升級工程，山頂纜車有限公司噚日宣布纜車會喺下周六(27日)重開，仲換上第六代纜車，而擴建咗嘅中環總站室內候車區可容納1300人。票價方面，成人單程票62蚊，比升級前37蚊貴咗67.5%；不過開幕日至10月30日都有「感謝香港通行證」，其間成人單程票收47蚊。𠵱家到開幕日前一日都有「快閃網上優惠」，成人單程票35蚊。
10．30前成人單程收47蚊
山頂纜車升級計劃耗資7.99億元，包括更換動力、控制及信號系統，換埋纜索、軌道，仲翻新咗中環同山頂總站，配合載客量更大嘅新纜車。山頂纜車有限公司噚日發新聞稿介紹，除咗乘客候車時間縮短超過七成外，遊客更可以喺中環總站內享受全新嘅視聽娛樂體驗，其中五大體驗區域之一「經典重現」，可以登上第一代嘅山頂纜車，感受香港昔日情懷。
用8億升級 翻新中環山頂總站
山頂纜車亦推出賣428蚊嘅限量版「超級粉絲套裝」(300套)，內有山頂纜車來回車票、凌霄閣摩天台428入場門票、第六代山頂纜車限量版保溫瓶、環保袋，同埋限量版紀念門票套裝等。
更多港聞
【Emily】叙福樓「半日假」 畀員工帶仔女打針
【明報專訊】叙福樓集團噚日向全體員工發通告，同事可以利用半日上班時間帶3歲以下仔女去打新冠疫苗。集團主席黃傑龍喺facebook上載通告，話... 詳情
【Emily】黃碧雲去塌閘現場 質疑唔係純屬意外
【明報專訊】民主黨九龍西立法會前議員黃碧雲即使無做議員，仍然十分關注區內以至香港民生議題。今個星期一油麻地母嬰健康院塌鐵閘壓斃女保安，黃碧雲... 詳情
【明報專訊】副政務司長卓永興前日出席立法會「前廳交流會」，向議員講笑咁話唔好叫佢「鼠王興」，因為個名有專利，擔心有「鼠王芬」之稱嘅經民聯議員...
詳情
相關新聞
