【Emily】萬聖節5000萬金多寶今攪珠
[2022.10.29] 發表
【明報專訊】下星期一晚係萬聖夜，馬會提早兩日向市民派發哈佬喂巨獎，今晚9點半為六合彩萬聖節金多寶攪珠，若10蚊一注獨中頭獎，幸運兒可以捧走5000萬。馬會分析，近期金多寶「熱門」號碼係36號，唔知呢個冧巴又係咪大家心水呢？
馬會話根據紀錄，喺過去6次金多寶攪珠中，36號被攪出過4次，包括舊年萬聖節金多寶攪珠；而1號同14號亦各攪出過3次，其中1號更係最近兩次金多寶攪珠攪出。
另外，舊年萬聖節金多寶攪珠分別攪出兩個諧音同「死」、「發」有關嘅號碼，分別係14號同34號，同埋28號同48號，唔知今年會唔會再次又「死」又「發」呢？
更多港聞
相關新聞
