【Emily】維修完成 海防博物館11?24重開
[2022.11.09] 發表
【明報專訊】位於筲箕灣嘅香港海防博物館之前翻新維修，休館咗好耐，康文署噚日話，博物館已經完成大型更新工程，將於今個月24日(周四)重開，市民可免費入場參觀。
重開後嘅博物館會有全新展覽去講「香港海防故事」，有11個展覽廳去介紹軍事佈局、海港設施及多元族裔軍人喺香港服役嘅故事，仲話明會介紹中國人民解放軍駐香港部隊。
館內「鯉魚門軍事要塞史蹟徑」設置咗24個史蹟點，包括魚雷發射站及鯉魚門堡壘，等大家參觀時可感受鯉魚門海峽嘅歷史同軍事氛圍，欣賞人工同自然交織嘅獨特美。
今次博物館加強展示日本侵華、日軍侵港同香港保衛戰，東江縱隊港九獨立大隊等內容，話要畀大家對呢段歷史有更深認識。康文署提醒，參觀者要符合疫苗通行證要求，而被區分為「紅碼」或「黃碼」者，唔可以進入康文署轄下嘅博物館。
更多港聞
【明報專訊】國際高等教育資訊機構Quacquarelli Symonds（QS）公布亞洲大學排名2023，760間大學中，北京大學首登榜首，...
詳情
【明報專訊】《施政報告》提出發展職業專才教育，下學年起恒常推出「應用教育文憑課程」，取代現有的毅進文憑課程。教育局回覆本報查詢指，有8間專上...
詳情
相關新聞
