【Emily】第五針後少少攰 葉劉打二價復必泰
[2022.12.28] 發表
【明報專訊】香港同內地有望下月中通關，有人擔心通關後會有「搶藥搶針」潮，政府上周四(22日)強調，復必泰二價疫苗會優先免費畀香港居民接種。行政會議召集人、新民黨主席葉劉淑儀噚日喺facebook透露，佢上周五(23日)去咗港怡醫院打復必泰二價疫苗，佢話自己距離打第四針已經過咗6個月，所以合資格打第五針。佢話打針後手臂有輕微腫痛同有啲攰，休息一晚後已經恢復精神，聖誕假期間仲每日行山，步行最少6公里，身體及心跳機能一律正常，感覺良好。
葉太又話，留意到內地新冠疫情升溫，唔少地方藥物不足，部分農村接種率未如理想，見到同胞苦况覺得痛心，希望內地早日走出陰霾，又話覺得港人好幸福，因為政府提供到大量免費針畀市民打。
更多港聞
【Emily】內地疫熾 港派國產藥 馮家強：感覺怪怪
【明報專訊】內地近日新冠疫情爆發，撲熱息痛等藥物供應不足，多地民眾要張羅物資，不過，港府近日向染疫市民派嘅抗疫物資包，原來係派緊國產撲熱息痛... 詳情相關新聞
