【Emily】一比一劣居房 社協推「侷住體驗館」
[2023.03.13] 發表
【明報專訊】香港基層居住問題惡劣眾所周知，但未必所有人都親身體驗過。社區組織協會今年推出「侷住體驗館」，除展示「一比一」基層住屋實境，包括板間房、閣仔房、共用廚廁等，畀市民體驗基層住屋實况外，亦邀請無家者同住喺惡劣居所嘅街坊擔任導賞員，前線社工就會帶領參與者討論扶貧及房屋政策。
位於大角嘴嘅體驗館，獲私人公司同慈善基金贊助場地同展覽，館內保留咗單位內部原有嘅間隔同裝修，例如懷舊地磚、窗花、通花屏風同間隔等。體驗館有超過10名導賞員，當中有無家者、前無家者、惡劣居所居民或已改善住屋環境嘅居民。社協話，希望透過每次真誠又深入嘅交流，大家可以見到藏喺不同身分同標籤下嘅有趣靈魂，達至「消除歧視，踢走標籤」、「侷住體驗，關心基層」。
更多港聞
【Emily】財委會主席：批款唔係議員「業績」
【明報專訊】立法會財務委員會每個年度會總結全年批出嘅項目同金額，唔少人會留意批幾多錢、用幾多會議時間批出撥款等，新接任財委會主席嘅陳振英（金... 詳情
【明報專訊】全面開關後，香港法律界都「走出去」推銷香港。副律政司長張國鈞（Horace）5日內去咗意大利、奧地利、瑞士同荷蘭歐洲四國，同多個...
詳情
相關新聞
