【Emily】社企推智能漂書機 黃錦星捐書話當年
[2023.05.05] 發表
【明報專訊】由一班年輕人成立嘅社企「一沓紙」首創智能漂書機，結合埋手機應用程式，將傳統漂書過程數碼化，市民可以先喺網上揀喜愛嘅書，然後去各區都有嘅漂書機攞書，仲可以即刻捐埋書。「一沓紙」噚日喺中環街市舉辦活動介紹呢部漂書機，卸任後仍然心繫環保嘅前環境局長黃錦星(圖)都有出席，仲「漂」出4本書。
噚日係五四青年節，黃錦星喺facebook提到捐出嘅4本書代表佢青年至今嘅歲月，包括由著名建築學家梁思成遺孀林洙撰寫嘅《梁思成、林徽因與我》，佢提到梁思成父親梁啟超同五四運動嘅歷史環環相扣。佢又話大學修讀建築設計，跟教授投入本地同內地田野考察，鍾情傳統民居建築，梁思成同林徽因嘅故事成為佢嘅閱讀對象。
身兼碳中和及可持續發展委員會主席嘅行會成員林正財亦到場，仲喺facebook大讚社企發展智能漂書機，除咗可以畀書籍第二生命，更加做到以書會友同連繫社區，仲可以減碳，形容十分厲害。
更多港聞
稱封關家長遲報 上訴駁回 聖嘉祿欠1生停辦小一
【明報專訊】創校69年、堅尼地城津貼小學聖嘉祿學校下學年獲教育局「派0班」小一，是近日第三間津小在兩輪收生只獲15人報讀，距開班門檻尚欠一人... 詳情
【明報專訊】中華基督教會長洲堂錦江小學因差一名學生，2023/24學年不獲教育局資助辦小一，校方昨日公布已申請以私立形式營運該學年小一，由辦...
詳情
理大研功能衣矯脊柱側彎 「服裝設計不止靚唔靚」
【明報專訊】脊柱側彎可影響外觀，甚至心肺功能。理大時裝及紡織學院研究團隊花10年改良，設計及研發出3款功能衣，供輕微脊柱側彎的兒童及青少年穿... 詳情
相關新聞
