【Emily】太古城700元燒肉放題 食油甘魚食到蟲 店稱「來貨控制唔到」
[2023.09.20] 發表
【明報專訊】有網民喺facebook發文及相，話前晚同老公喺太古城「炎舞家」花700元享用燒肉放題，點知食緊「西京燒油甘魚」時，發現條魚入面有好多蟲(圖)，「嚇到我口裏面嗰啖魚立即吐埋出嚟」。炎舞家回覆Emily承認有「不愉快經歷」，話條魚由日本進口，已向供應商投訴同停售相關產品，日後會加倍注意。食環署回覆Emily話根據紀錄，共接到兩宗相關投訴。署方人員噚日已派員到涉事食肆調查同檢查同類食物，未有發現異常。
炎舞家其後致歉 會退款
網民李女士喺facebook群組「太古社區關注組專線」話，前晚同老公喺「炎舞家」食咗個美國牛肉放題套餐 ，之後叫咗個「西京油甘魚」嚟燒，李女士食咗啖後覺得「有啲腥」，丈夫仲挑出條「好似蟲嘅物體」，「點知再一撩，嚇到我口裏面嗰啖魚立即吐埋出嚟…有勁大渣(拃)蟲喺魚入面」。
李女士指呼叫餐廳職員到來時，僅獲回應「呢啲係來貨嘅問題，我哋控制唔到」，又表示店方稱可換上另一客油甘魚，但她最終仍表示「不了」。
炎舞家回覆Emily話，得悉食客於餐廳的不愉快經歷，深感抱歉，會安排退款並邀請涉事客人再次光顧，又話涉事「西京油甘魚」於日本直接進口原包裝銷售，店方未有察覺異樣。
更多港聞
【明報專訊】津貼學校玫瑰崗中學將停辦，師生安排續受關注。教聯會副會長兼立法會議員鄧飛憂慮教師將陸續離職，建議初中生盡早轉校以適應新環境，「走...
詳情
相關新聞
