【Emily】太古地產收書義賣 全港44收書點

[2024.01.02] 發表

【明報專訊】踏入新一年，太古地產再度推出新一期「書出愛心．十元義賣」收書大行動，為期一個月嘅書本收集活動噚日展開，市民可以將睇完閒置一角嘅書，捐贈到遍佈多區嘅44個收書點，收集到嘅部分兒童圖書，將率先喺3月底至4月中於網上義賣，5月亦會喺鰂魚涌太古坊舉行實體書義賣。

市民捐書前要留意「收書準則」，例如書本唔可以係教科書、雜誌、旅遊指南等，亦唔可以有嚴重字迹畫線或意識不良內容等，否則唔會被接受捐贈。太古地產話義賣所得嘅善款，將全數撥捐香港小童群益會嘅「群益寶庫」計劃幫助基層家庭，以及義務工作發展局推動本地義務工作。

太古地產話，收書大行動自2009年舉辦至今已踏入第12屆，一直深受市民歡迎同支持；去年活動回收各類書達25萬本，籌款逾110萬元，吸引逾4萬名書迷入場，並有6000名義工參與。

更多港聞

【明報專訊】沙頭角噚日起開始第二階段開放，保安局長鄧炳強朝早10點半左右帶團去區內視察，除咗有青年組織代表，佢太太都有陪同視察。雖然紅假要工... 詳情

【明報專訊】因為新冠疫情停辦3年嘅香港龍獅節，噚日元旦日復辦，今年龍獅節以龍為主題，一共有128條金龍喺尖沙嘴文化中心露天廣場舞動，吸引大批... 詳情