安仔阿田多嘴戲
杜汶澤眼火爆投訴
[2014.08.16] 發表
【明報專訊】郭晉安、田蕊妮、吳卓羲(Ron)等無綫劇集《忠奸人》藝員，昨日拉隊到將軍澳宣傳，安仔、Ron玩遊戲奉旨親熱，分別抱起阿田和揹起劉思希都沒有難度， 但陳智燊抱李亞男卻失平衡雙雙倒地，而重磅「細細粒」陳嘉佳騎在何遠東背上，則要安仔和Ron傍實。眾演員席上又齊齊開香檳為收視祝捷，而前晚一集錄得平均收視29點，最高收視31點，在近期無綫劇收視低迷情况下算是佳績。
安仔望收視破30點
安仔對目前收視感高興，他說：「希望平均收視升到30點，可以食到公司餐飯，今年都未食過。不過劇組私下都會擺幾圍約食一餐先，我打算拉阿田及Ron落水埋單。」不過安仔未敢諗攞獎，估計下半年多猛劇，只敢說為今年高收視打響頭炮， 又笑言做奸角後說話無人信，自己聽到劇集配樂聲就想做壞事。
阿田指跟安仔戲中有多場親嘴戲，激到老公杜汶澤眼火爆兼投訴，她說：「他問，安仔害我，好衰，點解仲要啜安仔，他睇劇好投入變了『師奶澤』，我聽到都好開心，估不到結婚9年，老公又做同行，依然那麼緊張自己，有這反應。」
記者：鍾一虹
更多影視
相關新聞
