【明報專訊】立法會前議員鄭家富噚晚去�鱆鷵薯�領區為佔領者打氣，順便開金口唱歌，為大家獻唱《問誰未發聲》。阿富話有次好忘我咁瞇眼唱呢首歌，一開眼就見到天主教香港教區榮休主教陳日君樞機，阿富仲話樞機讚佢唱得好聽。

而阿富噚日唱歌前，仲同市民講，唔好合埋眼聽佢唱歌，如果唔係會以為自己聽緊張學友。點知阿富一開口唱第一句，唔知係咪激動得滯就已經走音，好彩台下觀眾無叫「回水」，淨係大笑。