長假血庫告急 市民請行動
[2014.12.30] 發表
【明報專訊】近日天氣寒冷，加上聖誕及臨近新年長假期，唔少人去咗外地旅遊，去捐血嘅人都少咗。香港紅十字會輸血服務中心噚日就呼籲市民踴躍捐血，確保血液供應。中心發言人話，近期病人臨牀輸血需求明顯上升，進一步減低血庫存量，令血液供應日趨緊張。中心希望喺未來兩周，每日至少能有1100名市民捐血，令血液供應存量回升。
中心正推行聖誕新年捐血推廣，即日起至1月4日捐血者，將獲發「聖誕節捐血襟章」及多用途行李牌一個。年齡介乎16至60歲、體重逾41公斤嘅健康人士都可加入捐血者行列。有關各捐血站嘅地址及開放時間，可致電2710 1234或瀏覽中心網頁(www.ha.org.hk/rcbts)。
更多港聞
相關新聞
