英領事揚琴奏賀歲曲
[2015.02.17] 發表
【明報專訊】喺香港第三年過農曆新年嘅英國駐香港及澳門總領事吳若蘭(Caroline Wilson)，拍短片以流利廣東話同大家拜年。英國官員早前來港勸泛民議員政改「袋住先」，吳若蘭喺短片中雖然無直接呼籲，但佢話，「無可否認，有關政改嘅爭拗，喺羊年會為香港人帶來一啲煩惱，但我哋對2017及2020以及往後嘅普選進程，仍然抱住審慎樂觀嘅態度」。
中國通嘅吳若蘭仲一騷本領，話趁羊年不如就用揚琴演奏一曲廣東賀年樂曲《步步高》，祝大家羊年喜氣洋洋、步步高陞喎。
至於美國駐港總領事夏千福，亦走咗去九龍寨城公園拍攝新年賀歲片段，相信好快有得睇。
(英國駐港總領事館短片畫面)
更多港聞
【明報專訊】上個禮拜爆出行會成員羅范椒芬，因為不滿人民力量陳偉業（大嚿）打算喺財委會審議創科局撥款時「拉布」，於是發短訊話「傷害無辜者，天誅...
詳情
相關新聞
