C朗「懲人節」失威 門前1碼失機 被爆偷食講大話

[2015.02.17] 發表

情人節街裏當然愛人一對對，但對於一向有伴嘅皇家馬德里球星基斯坦奴朗拿度(C朗拿度)來說，日前應該係「懲人節」。單身後首個情人節，皇馬雖然以2﹕0擊敗拉科魯尼亞，但C朗就上演了「離門1碼失機」。禍不單行是，有英媒爆料指C朗出軌才是與名模伊蓮娜分手的真相，C朗今次真係噩運繼續追啦！

基斯坦奴朗拿度在前日擊敗拉科魯尼亞一仗中，全場起腳6次但毫無收穫，在22分鐘更未能接應賓施馬嘅傳中，門前1碼讓皮球溜走。

停賽復出後連續兩場聯賽都交白卷，對於這名「入球機器」來說，近一個月顆粒無收確實認真失禮。

雖然入球數字大減，賽中與門將卡斯拿斯一同被球迷噓爆的教練安察洛堤亦為佢護航：「C朗雖沒有入球，但仍然很具危險。他在下半場為賓施馬送上助攻，又製造了不少入球機會。佢嘅表現完全合格有餘。」

伊蓮娜含淚飛馬爾代夫散心

其實唔知C朗是否因與伊蓮娜分手心虛而變得心情恍惚呢？日前英國雜誌《Hello》引述伊蓮娜好友爆料，指當時C朗偷食又不時講大話，伊蓮娜忍無可忍下提分手，仲話搞到人家一個女人仔要喊住咁飛去馬爾代夫過生日呀。好地地一個情人節變左「懲人節」，C朗真係獨自對天鬧情緒都無用！

更多體育