「港台頂亞視」 抄陳志全橋？
[2015.04.14] 發表
【明報專訊】無牌續嘅亞視最遲下年4月要停播，政府為咗照顧48萬無「機頂盒」嘅觀眾，決定將空出嘅兩條模擬制式頻道交畀港台播放。立法會資訊科技及廣播事務委員會噚日開會，人民力量陳志全大爆早喺1月會議向商經局提出「亞視隨時會熄燈(倒閉)」嘅疑問，建議局方拎港台節目出嚟「頂住先」；商經局常任秘書長何淑兒承認當時覺得建議好「創新」，所以有同港台商討過。
政府決定下年4月1日起將兩條模擬制式頻道交畀港台，直至2020年全面取消模擬廣播為止。何淑兒話，1月聽到佢個建議之後覺得好「創新」，走咗去問港台同事喺技術層面是否可行，覺得由港台將現有節目複製去模擬頻道播放係「最有把握」，又話呢個係唔擾民嘅過渡安排。
不過，陳志全強調當時提出建議之後，局方反應明顯係「未諗過」，質疑佢哋係幾時決定交出頻道畀港台，又話佢嘅建議係「頂住先」，唔係叫局方一路將頻道交畀港台，直至模擬制式全面取消。
更多港聞
【明報專訊】支聯會每年六四晚會前嘅一個星期日都會辦遊行，由維園行去政府總部，不過，今年遊行路線會有改變，支聯會常委趙恩來透露，今年遊行會改由...
詳情
【明報專訊】這次7個組織合作反普教中行動，首先由學生發起，普教中學生關注組主席、中四學生木子（化名）稱，該關注組與「港語學」合作發起行動，再...
詳情
相關新聞
