又多一人選特首 紀文珊倡建圓明園
[2017.02.20] 發表
【明報專訊】早幾日Emily同大家講過目前特首選戰激烈，近日再多兩個人加入混戰，其中一人叫紀文珊，佢今日會舉行記者會宣布參選。紀女士噚日向Emily賣關子，話自己嘅政綱「同另外4位參選人完全唔同」。
紀文珊曾經喺2007年參選特首，佢今屆捲土重來為咩呢？紀女士話自己剛剛退休幾日，仲寫緊政綱，但就話自己細細個十幾歲時，就開始思考「朱門酒肉臭」嘅問題。紀女士有透露佢唔贊成香港興建故宮文化博物館，指台灣已經有一個故宮博物院，「香港再起就有分裂中國嘅嫌疑」。佢反建議香港要起「圓明園」，指圓明園代表中國偉大文化。
根據選舉事務處嘅特首選舉網上中央平台，另一名新參選人叫黃文康。目前至少有14個人宣布咗會參選，部分未喺選舉處中央平台出現，足以證明今屆選戰幾熱鬧。
更多港聞
史丹福教授﹕學數勿只求正確答案 不要死記解題法 應問方法何來
【明報專訊】美國史丹福大學於暑假舉辦為期兩星期的國際青年夏令營，供高中生參加，負責課程的史丹福大學暑期學院行政總監Rick Sommer指出... 詳情
相關新聞
