【明報專訊】將軍澳尚德邨日前有市民遊行反對區內設武漢肺炎指定診所、之後悼念數月前墮樓逝世嘅科大學生周梓樂，其間有人堵路並爆發警民衝突，西貢區議會主席鍾錦麟(Ben)喺衝突中被警方以非法集結拘捕。 成日戴口罩 指紋解鎖方便 Ben雖然獲釋，但兩部電話同當日身上衫褲就被扣起，其中有部電話係iPhone11𠻹。不過佢話錯有錯着，因為現時戴口罩，難用人面解鎖功能，用番舊機iPhone8 plus就可以用指紋解鎖啦。佢同Emily講，被扣起嘅iPhone11係老婆送畀佢嘅生日禮物，用咗3個月就冇得用，希望快啲拎番。 批評警方截停市民手法粗暴 Ben又同Emily講，當日有幾個區議員被捕，散落數個警署，都可以監察吓警方處理手法；又批評警方截停市民嘅手法粗暴，有女警扯女仔，扯到跌落地。Ben現時獲准以1000元保釋。
|
| |
| |
;)
