【明報專訊】肺炎疫情下市面「一罩難求」，香港民意研究計劃於過去15日設網上問卷，發現受訪港人平均口罩儲備量達到41.8日，約夠用6個禮拜，呼籲有充足存貨嘅市民將口罩分享畀有需要嘅人，紓緩目前嘅「口罩荒」。 今次有關口罩儲備量網上調查共有2.1萬人回應。香港民研主席兼行政總裁鍾庭耀話，比起兩星期前，市民嘅口罩儲備量平穩上升。不過目前數據未涵蓋獨居長者等資料，估計受訪者比較後生。佢並呼籲已經成為「富戶」嘅市民，可以同其他街坊成立「民間合作社」等，將多出嘅口罩以成本價寄賣，分享畀社區其他有需要嘅人，紓緩口罩荒。 律師會2.5萬口罩派會員 另外，香港律師會噚日都發通告畀會員，話律師會將派發2.5萬個外科口罩畀律師行及非私人執業嘅律師會員。律師會會長彭韻僖(Melissa)話，明白疫情下仍然有律師行需要每日營業，其間有會員仲要外出公幹，同埋要返公司做嘢。一罩難求下，Melissa都好犀利，搵到2.5萬個口罩免費派畀會員，佢話向海外訂購外科口罩時一度有延誤，不過最後都順利送嚟香港。
|
| |
| |
;){kind=small}
;)
