【Emily】嘉賓觀眾聯署撐港台 包括前政助
[2020.04.01] 發表
【明報專訊】學者沈旭暉、勞福局前政治助理莫宜端等一群港台節目嘉賓、觀眾、聽眾去信廣播處長梁家榮，回應近日攻擊港台言論，聯署信批評某啲團體對港台節目特別係《頭條新聞》肆意詆譭，故要用聯署信以正視聽。
《頭條新聞》一向以嬉笑怒罵風格見稱，近日被警方批評同建制派狙擊。一班接受過《頭條新聞》、《鏗鏘集》、《左右紅藍綠》等港台節目訪問嘅嘉賓發起聯署信，話《頭條新聞》自1989年啟播已經係「嬉笑怒罵」嘅節目，認為嬉笑怒罵總唔可以歌功頌德，認為「節目內容處理事實部分偏頗之說」唔合理。
佢哋反指有某啲港台顧問、團體胡亂詆譭節目，突顯佢哋失格同唔專業；又話若因為個別團體反對就腰斬節目係反智，提到即使有七成市民對警方零信任，佢哋都唔會贊成港台因此停播《警訊》。
資訊科技界立法會議員莫乃光同十幾個港台顧問委員會成員今日會同梁家榮會面，反映近25萬市民網上聯署支持港台繼續製作《頭條新聞》等時事節目等意見。
更多港聞
【明報專訊】行政會議成員、新民黨主席葉劉淑儀上月中突然因「私事」去珠海一趟，返港後要強制隔離檢疫14日，其隔離令今日結束，可自由活動。原來有...
詳情
相關新聞
