【Emily】藉囝囝問題 許正宇大讚港抗疫工作
[2020.05.18] 發表
【明報專訊】新任財經事務及庫務局長許正宇曾任民建聯常委，𠵱家仲係黨員，噚日佢就「返娘家」，出席民建聯「克服逆境，重振經濟」圓桌會議，同黨友討論疫情後點重振香港經濟。許正宇講到未來經濟挑戰，憶述囝囝曾經問佢疫情幾時完，佢答話見到數字，𠵱家情况較幾個月前已好好多，「(香港)抗疫成績有目共睹，國際而言係做得好出色」。睇嚟新局長真係對香港抗疫工作好有信心，連對住囝囝都忍唔住大讚。
繼上任見傳媒時提及希望「三多」，要多做事、多交朋友、多認識；許正宇噚日講經濟挑戰就提及要有「三心」，分別係信心、耐心以及同理心，包括要有「信心」由逆境中行返出嚟、有「耐心」應對國際情况嘅變化同挑戰，同埋要有「同理心」，維持安穩社會環境，等市民可以敘天倫同消費。
更多港聞
【明報專訊】全港學校5月27日起分階段復課，約2.7萬名跨境學童能否如期復課仍存變數，除中港兩地檢疫措施和通關口岸等問題尚待解決，大批學童的...
詳情
相關新聞
