【Emily】湯家驊籲中央大方 放DQ議員一馬
[2020.08.08] 發表
【明報專訊】全國人大常委會今起開會，預料會討論立法會真空期問題。行會成員、資深大律師湯家驊(Ronny)噚日喺facebook話，覺得中央可以表現得更灑脫、更大方，放DQ議員一馬。
沙盤推演 泛民最可能係咪都總辭
Ronny話泛民嘅「傲慢與偏見」係佢哋自己「最大敵人」，亦係「從政者之死穴」。佢仲沙盤推演民主派決定嘅可能性，話未來最大可能性，係無論中央作任何決定，泛民都會退出議會。佢又話如果中央容許DQ議員留低，泛民會話中央嘅決定唔合法而總辭；如中央唔容許DQ議員留低，泛民會話中央打壓異見，為咗團結鬥爭而總辭。
佢認為泛民全面退出議會，對特區、對一國兩制、對民主改革前景，都會係「莫大悲哀」。所以，佢認為既然泛民好可能無論如何都唔領情，中央可表現得更灑脫、更大方，放DQ議員一馬，唔將泛民退出議會嘅「罪名」拉上身，由佢哋承受番責任。
更多港聞
【Emily】林夕：就算你去國胸懷，不敵天氣 阿聰：兩鬢斑白，香港再等你
【明報專訊】「就算你壯闊胸膛，不敵天氣，兩鬢斑白都可認得你。」王菲嘅歌曲《約定》膾炙人口，填詞人林夕近日改詞，憑歌寄意送畀流亡英國嘅前立法會... 詳情
【Emily】「引爆戴耀廷核彈的人」 陳玉峰爆戴耀廷匿名捐款撐碼頭工人
【明報專訊】港大法律學院前副教授戴耀廷（Benny）早前出版新書《愛與和平—未完的抗爭之旅》，講述近年心路歷程。當年Benny撰文提出佔中概... 詳情相關新聞
