【Emily】籃球博彩將建議向馬會發牌 麥美娟：多人做會炒熱賭風
[2025.06.09] 發表
【明報專訊】政府建議將籃球博彩合法化，民青局長麥美娟噚日透露，當局將就籃球博彩建議向馬會發牌。對於點解唔考慮其他機構，麥美娟話因為政府唔鼓勵賭博，合法賭博途徑要有限度，「我哋唔會好似有啲人講，係咪應該搵好多人出嚟做？咁樣你會變咗炒熱，係炒熱賭風」。
當局擬修訂《博彩稅條例》將籃球博彩合法化，麥美娟接受商台《政好星期天》訪問，重申政府唔鼓勵賭博。佢話近年平和基金4個輔導中心嘅求助數字平穩，年輕人到馬會開設投注戶口比例維持喺1%至2%，但當局仍然重視青年賭博問題，將加強相關工作，初步構思由平和基金增設一個針對青年教育嘅輔導中心。另外佢話會研究要求馬會提供資源協助推廣體育。
當局建議籃球博彩稅訂於50%，麥美娟於節目後被問到點解唔調高稅率，佢解釋政府並非為增加稅收，而係要打擊非常猖獗嘅非法籃球賭博活動。佢話當局釐定稅率時考慮咗唔同因素，包括點樣將非法賭博嘅錢導入規範嘅渠道。
更多港聞
【Emily】土瓜灣小區重建 市建為商界夾設計
【明報專訊】市建局提出構建「東維港灣區」願景，行政總監韋志成噚日發表網誌，佢話位於土瓜灣嘅「小區重建新社區」係市建局全港首個以「小區發展」嘅... 詳情
「青少年護齒」兩月服務千人 1/4有蛀牙 參與牙醫冀擴資助項目
【明報專訊】透過共付模式資助13至17歲青少年接受洗牙等私營牙科服務的「青少年護齒共同治理先導計劃」推出逾兩個月，衛生署回覆本報稱，截至上月... 詳情
公民點對點：超重肥胖成人 2030年全球將達30億
【明報專訊】「國家喊你減肥」成為內地熱話。肥胖同時是全球危機，世界衛生組織（WHO）指出，自1990年以來全球肥胖的成人增加一倍多，肥胖的青... 詳情相關新聞
