【明報專訊】警方上周日用催淚彈驅散示威者，引起社會極大迴響，行政會議成員羅范椒芬接受電台訪問時一度落淚，又形容相煎何太急，當時有自稱個女都係羅太母校嘉諾撒聖瑪利書院畢業�鼣砲�生，哭住叫羅太拎出良心，叫佢返母校對住聖母像祈禱，當時羅太無回應，後來校友寫信要求佢道歉云云。噚日羅太就向一眾St. Mary師妹回信，話自己當日並無對警方做法下判斷。

事緣校友去信羅太，要求羅太為警方辯護向公眾道歉，叫佢要「正直如實」去執行行會成員職責，向特首提供真確、建設性意見，又叫佢緊遵校訓，認清事實等。

稱無判斷警方做法

羅太回信話，作為St. Mary人，學校教導佢要公正、真誠，又話做政務官亦訓練佢要講真話，但強調自己當日接受訪問，並無對警方施放87枚催淚彈係咪合理作判斷，佢希望透過回覆澄清自己立場，又話唔係期望校友收番聲明，只希望大家知道佢無背叛校訓。