歷「豬嘴」噩夢 商人推無添加濕巾機
[2014.10.10] 發表
【明報專訊】好快又到大閘蟹季節，酒樓唔止要供應大量大閘蟹，仲要有大量包裝濕紙巾，但之前消委會講過濕紙巾有化學成分，愛森商貿公司營運總監王耀民上年冬天就中招，用完濕紙巾抹嘴，搞到成個星期豬嘴，故此想諗計幫皮膚敏感人士，?家佢引入無添加濕巾機，打算賣畀酒樓、酒店、會所等。
呢個濕巾機，一來可以自助用水製濕紙巾，二來唔使再用包裝紙，環保得多。不過，王耀民嘅朋友就潑晒冷水，事關包裝濕紙巾每張成本只係一毫幾，但係濕巾成本較高，仲要搵人手負責按掣。王耀民話，已有酒店中菜廳試用呢部機，相信呢個較環保嘅方法有市場喎。
更多港聞
相關新聞
