林鄭「一哥」主持渣馬起跑
[2015.01.05] 發表
【明報專訊】2015年香港馬拉松喺今個月25號舉行，當中全馬賽事仲會由政務司長林鄭月娥及5月屆退休年齡嘅「一哥」警務處長曾偉雄「鳴槍」主持起跑儀式。兩人分別係處理政改議題及佔中嘅主要官員，尤其一哥近期發表咗警察對示威者「慈母論」而為人關注；唔知喺渣馬呢個「大型群眾活動」，會否遇到跑手以另類方式表達對政改或佔領運動嘅意見呢，睇嚟Emily當日要留意留意。
今年渣馬全馬及半馬起點喺尖沙嘴彌敦道，新增嘅少年組就喺灣仔運動場出發，12至15歲嘅中學生可參加全長2.2公里嘅賽事，體驗一下馬拉松盛事。
除咗報名跑手積極備戰，本身體能一流、過往喺唔少長跑賽事奪標嘅懲教署職員亦唔輸蝕，今年參加渣馬嘅仲有唔少女將。總懲教主任周露明話，愈來愈多女職員參加馬拉松，並積極參與長跑訓練。其實懲教署有唔少長跑好手，懲教主任葉東海就係去年渣馬10公里挑戰賽(紀律部隊盃)嘅冠軍。
周日跑馬地悼「葉伯」
講開渣馬，大家都會想起早前去世、曾經話過「跑到100歲都要跑下去」嘅馬拉松年長跑手「葉伯」葉倫明，一眾長跑好手為紀念葉伯堅毅不屈嘅精神，會喺周日(11日)下午3時於跑馬地練習場舉辦紀念活動。
更多港聞
【明報專訊】唔少泛民政黨擔心，佔領運動之後會失去年輕人支持，不過學民思潮就應該唔使驚，學民思潮發言人黎汶洛噚日同Emily講，喺佔領後多咗2...
詳情
相關新聞
