鏞記裝修封地廳3月
物色短租舖做外賣
[2015.03.12] 發表
【明報專訊】著名食肆鏞記喺第三代掌舵人甘氏姊弟打理下，好快會大變身，坐落中環嘅鏞記大樓將分階段翻新，下個月起地廳先會封廳約3個月，之後逐層裝修，希望盡量唔影響食客。鏞記約有500個座位，地廳佔一成多，影響唔算好大，但中區唔少打工仔都鍾情鏞記嘅燒味飯，董事甘連宏話正物色附近地舖作短期租約，希望喺裝修期間可以維持燒味飯盒等外賣供應。
本地客佔生意六七成
講起呢排有港人反水貨客，甘連宏話飲食界喺去年佔領行動已受唔少影響，若有關行動影響內地客嘅數目，業界都幾頭痕，不過，鏞記主力都係做本地客生意，平均佔客量六七成，餘下嘅海外客中，一半係內地人，三成係東南亞，兩成係歐美等地。
更多港聞
【明報專訊】教育局昨向立法會提交文件，指免費幼稚園教育委員會有意見認為，政府可探討設立供幼稚園使用的地區資源中心，提供學習活動。據了解，委員...
詳情
相關新聞
