深水埗玉石店B玉當A玉賣 違商品例罰6000元
[2016.10.20] 發表
【明報專訊】香港做生意宣傳手法向來層出不窮，但有啲宣傳就唔老實，而且犯法。《商品說明條例》生效咗3年幾，噚日有珠寶玉器店老闆因買賣時向消費者不實陳述，違反《商品說明條例》，喺九龍城裁判法院被判罰6000元。
注入樹脂扮A玉
海關早前收到市民投訴後，去到深水埗西九龍中心嘅一間珠寶玉器店放蛇，老闆聲稱出售嘅玉吊墜係天然及無加色嘅A玉，其後海關將玉石交畀具專業資歷嘅寶石鑑定師檢測，證實個吊墜其實係經化學處理同注入樹脂嘅另一種B玉，所以海關提出檢控。涉案嘅4件玉吊墜共值2600幾蚊，全部被法庭充公。
海關提醒大家，任何人用虛假商品說明做買賣係刑事罪行，一經定罪，最高可被判罰款50萬同監禁5年。市民想舉報就可以打去24小時熱線2545 6182。
更多港聞
【明報專訊】年輕人唔開心，鍾意喺社交媒體上抒發，香港神託會今個月開始至2018年8月，推行「Teens Online天使在線計劃」，由專業輔...
詳情
相關新聞
