國慶籌委近700人
[2017.08.10] 發表
【明報專訊】今年係香港回歸20周年兼中華人民共和國成立68周年，國慶籌委會一如既往，準備10月頭喺紅館大搞慶祝活動。籌委會噚日舉行成立大會，成員名單星光熠熠，足足有683人，主席團主席包括全國政協副主席董建華同梁振英、范徐麗泰、李嘉誠等政商名人。而啱啱上任嘅新特首林鄭月娥，就自然增補成為主席團名譽主席，同中聯辦主任張曉明、外交部駐港特派專員謝鋒等並列齊名。
身為主席團執行主席嘅董建華噚日主持會議，通過10月1日舉行嘅傳統文藝晚會及10月2日「國慶青年音樂會」嘅議程。籌委會秘書長、中華總商會會長蔡冠深話，首場晚會以「建設中國夢」為主題，希望透過音樂、舞蹈、歌唱等，表達對祖國成就嘅喜悅，而青年音樂會就以「時尚活力」為主。
更多港聞
相關新聞
