【明報專訊】政制及內地事務局前局長譚志源離開咗官場之後，去咗梁錦松嘅公司打工。兩個人最近為咗教會活動拍宣傳片，嚟個角色扮演，梁錦松變成「譚老闆」嘅司機，送佢返教會。梁錦松仲拎番當年偷步買車嘅事嚟講，澄清自己唔係因為呢件事先信主。 成條片嘅內容都係梁錦松度出嚟，講述司機梁錦松送老闆譚志源去教會，點知去到之後梁錦松都入埋去，側邊嘅教友仲問梁錦松，「你喺上次買車衰咗，所以先信耶穌㗎？」 譚：以為借調禮賓府司機 梁錦松話畀Emily知，佢平時都會自己揸車，放假時會車屋企人周圍去。為咗演好司機一角，梁錦松搵齊制服、帽同手套，令譚志源差啲以為係借調咗禮賓府司機過嚟。譚志源演老闆角色都入型入格，佢嘅腰圍同身形都幾有老闆嘅感覺。 兩個人扮鬼扮馬都係為咗嚟緊喺11月30日至12月3 曰喺香港大球場舉行嘅「香港福音盛會2017」佈道大會宣傳，到時佢哋都會有見證分享，梁錦松仲會分享當時唔係因為偷步買車而信主，咁又係有咩原因呢？就要等聽佢見證至知啦。
|
| |
| |
;){kind=small}
;)
