陳恒鑌帶囡囡露營煮大餐
[2017.10.28] 發表
【明報專訊】雖然立法會最近兩星期氣氛緊張，但議員周末都可以享受家庭樂。上個周末，民建聯陳恒鑌(Ben)就趁秋涼時節帶埋個女去大嶼山，露營咗兩日一夜，忙裏偷閒之餘，仲順便教囡囡無論咩情况之下都要食餐好。
阿Ben話自己好享受露營，事前仲準備咗一隻塞咗香料嘅雞，去到營地整個「紙皮箱焗雞」，半個鐘就食得。佢同Emily講，做法好簡單，就係喺個紙皮箱內包層錫紙，再放啲燒到熱辣辣嘅石頭入去，個紙皮箱即刻變身焗爐；當日晚餐仲整咗一鍋臘腸鴨飯，留返啲飯焦做消夜，落埋蜆肉加啲水， 就變咗一鍋靚粥喇！Ben話好多香港人去露營都淨係煮個麵、食罐頭，但自己就比較鍾意煮嘢食，咁樣露營有啲風味。佢又話，自己親手用竹整咗假嘅弓箭畀個女玩。
佢話，個營地四處有好多垃圾，破壞環境，自己睇唔過眼，帶埋個女一齊幫手清理，身體力行，順便同個女上堂公民教育課，教囡囡要愛惜大自然，仲要做個有公德心嘅市民。
更多港聞
【明報專訊】政府唔少法定同諮詢機構，都有委任不同界別成員，不過政府不成文規定，每人唔可以擔任同一公職超過6年，政府噚日公布新一屆旅遊發展局成...
詳情
【明報專訊】財委會主席陳健波呢個兩星期陸續實行財委會嘅「主席指示」，噚日正式將兩節會議合併做一節，每節差不多要用3至4小時，日後如果排喺財委...
詳情
相關新聞
