【明報專訊】打機嗰陣，音樂特效可以話增加唔少現場感，浸大音樂系計劃跳出傳統古典音樂，開辦教授遊戲同電影配樂嘅課程，教學生喺遊戲同電影當中，用音樂講古仔。 浸大音樂系主要教授古典音樂，系主任潘明倫話，𠵱家好多人都會打機，相信遊戲入面嘅音樂有好大市場，認為呢方面嘅創作同培訓好重要，所以該系課程會加入呢方面元素。 潘又話𠵱家唔少電影配樂嘅人才都唔喺香港，好多產品要送到日本同韓國等地做後期製作，希望透過音樂科技嘅課程，教學生喺電影同遊戲用音樂「講古仔」，現時正密鑼緊鼓招募老師。另外，浸大亦會喺下學年正式開辦數據與媒體傳播專業嘅課程，教學生透過分析數據搵新聞。
|
| |
| |
;)
