【明報專訊】消費者委員會噚日頒發第18屆消費權益新聞報道獎，今年《明報》同事攞到兩個組別嘅金獎，分別係「港人港樓一約多伙系列」攞到文字組別(調查報道)金獎，而攝影同事作品「冬季美食節垃圾山 竹籤發泡膠盛滿垃圾桶」就攞到新聞攝影組別金獎。 由偵查組、經濟版地產組同事合作嘅「一約多伙」系列報道，揭示投資者通過一約多伙，以首置客身分繳納較低稅率嘅印花稅，報道刊出後政府決定修例。同事喺頒獎禮嘅分享片段中話，相關報道花咗好多時間同精力，揭示唔少人以首置身分及一張買賣合約買入多個物業嘅漏洞，大家都喜見政府其後從善如流修例，相關報道發揮咗傳媒監察角色。 至於攝影記者馮凱鍵嘅作品，照片中可見竹籤塑膠「垃圾山」後嘅女子望住鏡頭，其實亦係「望住」睇緊呢張相片嘅讀者。馮凱鍵話呢張相唔難影，因為場內真係有好多垃圾㗎！佢希望透過相片，令公眾反思現時嘅消費模式，減少使用呢啲大自然無法分解嘅即棄垃圾。Emily喺度恭喜咁多位得獎同事！
|
| |
| |
;){kind=small}
;)
