最近個個名人都用冰水照頭淋，當然佢地唔係怕熱，而係為美國肌萎縮性脊髓側索硬化症協會籌款。被人點名淋水後，可以再點名3人接受挑戰。上周費查淋完後，點名曼聯舊隊友基斯坦奴朗拿度，「C朗」日前欣然除剩內褲徹底感受；但他事後若無其事，相反被他突襲的馬些路就打晒冷震。NBA球星勒邦占士都玩埋一份，仲指名美國總統奧巴馬。