受佔中影響，加上市場再有新盤推出，二手屋苑睇樓趨淡靜。中原統計數據，國慶及重陽二天假期十大屋苑僅錄450組預約睇樓，較剛過去周末再跌16.7%；業界估計佔中令市民睇樓意欲下降，估計在不明朗因素下二手交投會陷入拉鋸。 新界區屋苑睇樓量跌幅最勁 中原統計顯示，十大屋苑中鰂魚涌太古城跌幅最少，僅跌9.1%，其他各屋苑均錄雙位數字跌幅，當中新界區屋苑跌幅最勁，沙田第一城及天水圍嘉湖山莊，今明兩日睇樓量分別較過去周末跌兩成及四成不等，而東涌映灣園跌幅更達一半。 第一城今明預約睇樓 雙位數跌幅 以映灣園為例，中原副分區營業經理曹嘉華表示，近日映灣園未有錄得成交，睇樓人流亦減少，今明兩天映灣園只錄得10組睇樓預約，預計兩天假期成交大減。 此外，受新盤開售影響，沙田第一城今明預約睇樓跌幅再錄雙位數。美聯助理區域經理黃錦瀚表示，馬鞍山大型新盤周六開售，沙田第一城預約睇樓只錄50組，買賣雙方普遍轉趨觀望。利嘉閣研究部主管周滿傑認為，佔中事件令交通受影響，市民睇樓意欲下降，相信對市區屋苑影響較大，估計在不明朗因素日增下，買家即使有意入市還價亦會較深，令買賣雙方陷拉鋸，拖慢二手成交。
|
| |
| |
