12碼，一係入，一係唔入，唔入都唔好笑，話晒望住龍門單對單，壓力絕對唔小，所以奧地利球隊FC Pinzgau就發明一套苦練12碼秘技，教練要求球員先按住地下轉20個圈，然後立即衝向12碼點射球。轉完咁多個圈，球員頭暈眼花，於是全部變醉漢，企都企唔穩，走向12碼點時一仆一碌，其他隊友食住花生笑住睇戲。雖然不得不讚嘆有球員仍然射入，但比賽時有幾何暈陀陀射12碼？咁樣練到底有冇用？