【明報專訊】中文大學外科學系講座教授劉允怡噚日喺無競爭對手下，連任醫委會主席，任期3年。 劉教授同Emily講，政府?家好小心研究部分投訴醫生嘅個案，係咪可以用和解方式處理。不過，佢強調首先要防止和解機制被立心不良嘅醫生以為可以和解了事，而利用呢個機制做壞事，威脅市民嘅健康同生命。 劉允怡舉咗個例子，若醫生存心嚇病人做一個不必要嘅手術，醫委會最重要係防止呢類事情再發生，因此和解就唔適合。若果係投訴醫生無禮貌，就可以透過和解道歉處理；若醫生被人投訴唔小心，係因為學識唔夠，和解嘅條件可以強制醫生再進修。劉教授話，和解嘅好處係可以縮短等候聆訊排期嘅時間，令病人感覺好啲。
|
| |
| |
