選民登記截止前 傳真熱線一度爆滿
[2015.07.03] 發表
【明報專訊】區議會選舉今年11月22日投票，未登記者須於噚日或之前登記為選民。早前曾為街坊登記選民嘅民主黨南區區議員柴文瀚話，同事會「人肉」運送表格到選舉事務處，以免錯失。點解咁講？工黨社區幹事曾國輝同Emily講，噚日11點至下午1點，選舉事務處傳真機一直唔通，致電該部門熱線電話、搵職員問，留言仲爆埋。Emily喺1點半測試，同樣發現傳真機唔通；熱線欲駁至職員時，最後只聽到預錄語音「拜拜」。
選舉事務處回覆話，約中午時分負責接聽熱線職員需輪流午膳，部分用熱線查詢嘅市民需留言至留言信箱，令信箱曾短暫爆滿，其後已處理。傳真方面，因表格數量較多，線路有時較為繁忙。
更多港聞
相關新聞
