被指「周圍搞」 田北俊斥葉劉幼稚
[2016.06.03] 發表
【明報專訊】自由黨榮譽主席田北俊(田少)早前宣布，有意派元朗區議員周永勤出戰立法會新界西直選；新民黨喺新界西同樣要爭議席，主席葉劉淑儀(Regina)就批評田少「素來都鍾意周圍搞」、到處點火頭。其實新民黨有意派大律師容海恩落戶新界東，對於被指「周圍搞」，田少噚日就頗為不滿，喺電台節目毫不客氣反指葉太「幼稚」，話「新民黨去第二度就得，我哋去你嗰度就唔得？」
田少及後返回立法會繼續同葉劉隔空駁火，同記者講除咗ABC(Anyone but CY)，仲要ABR(Anyone but Regina)，話希望兩個潛在特首候選人政務司長林鄭月娥同財政司長曾俊華努力啲喎。
田少又話，從選舉角度嚟講當然想攞到更多議席，又叫葉太「不如收兵(唔選立會)選特首」，「如果唔係又畀麒麟撞」。
對於新東選情，有意為黨友李梓敬「抬轎」出選嘅田少，就話容海恩嘅大律師背景係優勢，但田少不忘抽水，話新民黨唯一吃虧嘅，就係葉太因為擔任行會成員，喺立法會全部投票都支持政府，自由黨喺選舉一定會捉住呢點問對方咁話。
更多港聞
【明報專訊】本周六（6月4日）小一放榜，本年度共68.9%參加統一派位的學童獲派首三志願，較去年微升0.8個百分點，相信因為大埔等地區的學額...
詳情
【明報專訊】適齡中一生人數持續減少，下學年更跌至「谷底」，只有4.81萬名中一生，料出現5350個剩餘學額，較本學年增600個。去年9月全港...
詳情
第19屆校園記者：訪創意資源中心 了解羊毛變夏裝
【明報專訊】羊毛製品給人一種傳統、溫暖的感覺，你有沒有想過羊毛可製成夏季汗衣、牛仔褲，甚至是防水透氣的波鞋？校園記者早前到訪位於觀塘的國際羊... 詳情相關新聞
